retour la page d'accueil

pages 733, 734, 735

Pages 733, 734, 735 

******


Pevare devez warn-ugent a viz Here

SANT RAPHAEL

Arc'hl

-----------------------------

Raphal eo louzou Doue, rener an dremenidi, frealar tiegeziou ankeniet, hanterour an eureujou santel, medesin ar glanvourien ha mirer an dud kez, war hnt risklus ar vue.  

Hano a zo an ezan er Skritur-Zakr. Seiz kant vla ark donedigez Jezuz-Krist, e oa eleiz a Judevien en harlu en Niniv; en o zouez e oa unan, e hano Tobias, eun deu a zoujanz Doue.

Deut oa da vezan dall, hag o kredi e tostae e varo, e kasas e vab da c'houlenn digant Gabelus, a oa o chom en kr Rages, an dek talant en devoa prestet d'ezan eur pennad a oa.

Mab Tobias ne ouie ket an hent, mes an arc'hl Raphal, o vezan kemeret stumm eur beajour, a 'n em ginnigas d'hen diskouez d'ezan, hag a lavaras d'e dad :

- Bezet dinec'h gant ho mab; me hen kaso da Rages, hag hen digaso d'ec'h endro, ha gwelet a refet ne c'hoarvezo droug ebet gantan.

- Beach vat eta d'ec'h ho-taou, eme Dobias koz  ra vezo Doue hag e le ganec'h epad an hent.

P'en em gavas an daou veajour en kichen an Tigr, mab Tobias a c'hoantaas gwalc'hi e dreid en dour ar str. Kerkent, eur pez pikol pesk a lamrnas eus an dour d'e lonkan.

- Otrou, dont a ra warnon, eme an den yaouauk, strafuilhet holl. 

- Krog en e ziskouarn, eme an l, ha jach-han ganit. Tobias a zentas.

- Digor breman anezan, eme Raphal, ha mir ar galon, ar vestl hag au avu, a zo treo mat d'ober louzou.

Kig an aneval a oe salet, ha kas a rejont anezan gante da zibri en hent. Daou devez warn-ugent goude m'oant t eus Niniv, en em gavjont en Ekbatan.

- Pelec'h e kavfomp lojeiz aman ? eme Dobias.

- Aman, eme an l, zo eun den kar d'it, e hano Ragol. Eur beunherez en deus, he hano Sara. Goulenn anezi digant he zad; selaouet e vi.

War ze ec'h ejont o-daou da di Ragel, ha heman o digemeras gant joa :

- Ma bennoz d'ec'h, ma mab, emezan; ho tad eo gwellan den a zo war an douar.

Raktal e reas zan koan d'an daou veajour; mes Tobias a lavaras :

-Evidon-me ne zebrin na ne evin, ken ho pezo selaouet ma feden : me a c'houlenn diganec'h ho merc'h Sara da bried.
Kerkent an l a iavaras ive :

- Ne fell ket d'ec'h bezan nec'het, rak Tobias a zo eun den a zoujanz Doue.

Neuze Ragel a lavaras y a, hag o vezan grt da Dobias ha da Sara rei o dorn an eil d'egile, e pedas Doue Abraham, Izaak ha Jakob, da vinnigan aneze.

Goude-ze en em lakjont ouz tol da goanian. Tobias ha Sara a dremenas an tri devez kentan eus o eured o pedi Doue, hag an l a yeas e-unan, epad an amzer-ze, da Rages, da gerc'hat an arc'hant oant deut da glask.

Tobias, dal ma oe rot d'ezan gant Ragel argourou e bried, a 'n em lakas en hent da zistrei d'ar gr gant Sara ha Raphal. Heman a lavaras d'ezan :

- Pa vefet en em gavet er gr, frotet daoulagad ho tad gant vestl ar pesk ho peus lazet, ha raktal e welo adarre ken skler ha biskoaz !

Koulskoude, Anna, gwreg Tobias koz, enkrezet oll, a yee bemde war eun dosen uhel da welet ha ne welje den o tistrei. Erfin e remerkas a-bell ar veajourien, hag e tizroas da lavaret d'he gwaz : Setu da vab o tont. Kerkent ar c'hi, hag a oa bet ive en hent, a lammas en ti, en eur harzal laouen, hag a 'n em lakas da fichan e lost ouz Tobias koz. Heman a zavas raktal da vont da benn hent d'e vab. P'en em gavjont an eil gant egile, en em vriatajont gant teneredigez, hag ar mab a reas d'e dad evel m'oa bet gourc'hemennet d'ezan gant an l; raktal Tobias koz a welas skier, hag e klaske gouzout petra da rei d'e vadoberour; mes heman a respontas :

- Trugarekaet an Otrou Doue, dre mac'h eo bet trugarezus en ho kenver. Ar beden, ar yun hag an aluzen a dalv muioc'h eget holl denzoriou an douar. Selaouet, Tobias koz : pa bedec'h en eur ouelan, ha pac'h ec'h en noz da zebelian ar re varo, me a gase ho peden betek an nenv; rak me eo Raphal, unan eus an Ele a ve bepred en o zav dirak trn an Otrou Doue.

O klevet ar c'homzou-man, an daou Dobias a oe estlammet oll, hag en em strinkjont d'an douar. Mes an l a lavaras d'eze :

- Ar peuc'h ra vezo ganec'h; n'ho pezet aon ebet; Doue an eus ma digaset davedoc'h; trugarekaet anezan ha kanet e veuleudiou.

O vezan komzet evelse, Raphal a dec'has, ha n'hen gweljont mui : nijet oa adarre d'ar baradoz.

--------------------------

KENTEL

Petra eo ar beden ?


Ar beden eo ar chaden vurzudus a stag an nenv ouz an douar; ar beden eo an ere santel a skoulm ar pez a welomp er bed-man ouz ar pez ne welomp ket eus ar bed-all; ar beden eo al liamm sakr a stag an den ouz Doue.

Dister da welet, ar beden eo nerzusan galloud a zo war an douar. Hag en gwirione, petra zo oc'h ober anezi ?

I. Oc'h ober ar beden zo eur gomz. Hogen, n'eus netra war an douar ken nerzus hag eur gomz, Gant eur gomz, Doue en deus krouet ar bed; hag abaoue, ar bed ne baouez da vont endro; gant eur gomz, Jezuz-Krist en deus savt an Iliz, hag abaoue, an Iliz ne baouez da greski. Gant, eur gomz, e c'hallomp ober plijadur; gant eur gomz. e c'hallomp glazan; gant eur gomz. e c'hallomp ober eur vad divent; gant eur gornz, e c'hallomp derc'hel d'ober droug keit ha mac'h ey ar bed endro.

II. Ar beden a zo komz eun ene, hag an ene eo ar pez kaeran en deus krouet dorn ijinus an Otrou Doue, goude an Ele.

III. Ar beden a zo komz eun ene dasprenet gant gwad Doue, da lavaret eo, komz eun ene hag a zo diou wech krouadur da Zoue; krouadur d'ezan dre e ijin, ha krouadur d'ezan dre e wad. Ha dre-ze, pa ve eun ene o pedi, gwad Doue e-unan a c'haller da lavaret eo a gas e glemmou etrezek an nenv.

Pens neuze e c'hallfe Doue chom hep selaou ar pedennou kaset gant eun ene etrezek eunan ?

Pa ve eur c'hrouadur o klemm, e vamm a glask, buhannan ma c'hall, an tu d'e ziboanian, abalamour ar gwad a ve o redek en gwazied ar bugel eo a verv ive en kalon ar vamm, ha p'en deve poan ar bugel, ar vamm a ve poaniet ive kerkent.

Evelse, pa glemm eun ene. Doue kennebeut ne chom ket. na n'hall ket chom bouzar ouz e glemmou, rak e wad eo a glemm etrezek an nenv, ha karante an holl mammou eus an douar, en kenver o bugale, n'eo nemet eur skeuden dister eus ar garante heb he far a zoug Doue da bep-hini ac'hanomp.

Ha zoken. pa vezo lavaret mat, pa deu eun den da bedi, n'eo ket eur mab hepken eo a zo o klemm ouz e dad; Doue eo a deu da c'houren outan e-unan, rak, dre e c'hras, ar Spered-Santel a zo o chom en hon eneou, ha mar deo Doue an Tad ar c'halloud, Doue ar Spered-Santel eo ar garante, ha pa deu ar c'halloud da c'houren ouz ar garante, ar garante a ve bepred trec'h. Ar beden eo nerzusan tra a zo er bed.

*******

geriadurig lexique

Evit komz diouzh al levr-se / pour discuter de cet ouvrage :

Academia Celtica