retour la page d'accueil

pages 525, 526

Pages 525, 526

*******


Trede devez warn-ugent a viz Gouere

SANT APOLLINER

Kentan eskob Raven (79)


Apolliner a deuas gant sant Per eus a Antioch da Rom; prins an Ebestel hen sakras eskob hag hen c'hasas da Raven da brezek ar relijion neve. O vezan ma c'honeze eno eleiz a dud da Jezuz-Krist, e oe
tapet gant beleien an idolou ha skoet didrue.

Prest goude e roas ar prezeg d'eun dijentil, e hano Bonifas, a oa mut eur pennad a oa; parean reas ive e verc'h a oa perc'hennet gant an drouk-spered. Setu ma 'n em zavjod adarre en e eneb.

Skoet a oe gant gwial, grt a oe d'ezan bale war ar glaou beo; ha dre ne r an tan droug ebet d'ezan, e oe argaset er-mz a gr.

Goude bezan bet eur pennad o vale bro, e tizroas da Raven, hag e reas da verc'h Rufin sevel eus a varo da veo; abalamour da ze, tiegez Rufin a-bez a gredas en Jezuz-Krist. Gouarner Raven, pa glevas an neventi, a roas urz d'an eskob santel da baouez gant e gelennadurez, hag evel ma ne r van ebet, e oe dispennet a dliou skourje, skuilhet dour bero en e c'houliou, torret e c'henou outan a dliou mein, chadennet ha stlapet er prizon. Pevar devez goude, oe grt d'ezan pignal en eul lestr da vont d'an harlu.

An avel hen tlas war chou an Thras. Eno e oa eun templ da Zerapis, hag an drouk-spered a gomze ennan betek neuze; mes lavaret a reas ne raje ken, keit ha ma chomje diskib sant Per er vro.

Ar baganed a 'n em lakas eta da glask an divroad, ha dal m'hen c'havjont, e rejont d'ezan kemer prim an tec'h.

Dizro da Raven, Apolliner a gavas adarre beleien an idolou d'e damall; prizoniet a oe, mes an ofiser karget d'e ziwall a oa kristen dre guz, hag a lakas anezan da dec'hel en noz. Ar baganed, dal m'hen gouezjont, a redas war e lerc'h, hag a c'houlias anezan kement ma kredent bezan e lazet.

Ar gtistenien hen dastumas diwar an hent; bevan reas c'hoaz seiz devez; nerz awalc'h en devoe d'o alian da viret mat o fe, hag e oe kurunet en gloar e verzerenti. E gorf a oe sebeliet en harz moger kr.

*******

BOKED

Seul-vui e sellomp ouz an heol, ha seul-vui e chomomp en estlam, rak, ken ales gwech m'hen gwelomp, e kavornp en deve bepred ar memes sked hag ar memes gened.

Evelse, hanoiou ar verzerien a lufr, daoust d'an niver bras a vlaveziou a zo tremenet warneze, ha dre ma varvo ar c'hantvejou, o brud ne raio nemet en em astenn muioc'h-mui.

SANT BAZIL

*******

geriadurig lexique

Evit komz diouzh al levr-se / pour discuter de cet ouvrage :

Academia Celtica