retour la page d'accueil

pages 450-451

Pages 450-451

*******

Naontekvet devez a Vezeven

Santez Juliana Falkonieri

(1270-1341)

-----------


Jiuliana Falkonieri a c'hanas en Floranz, er bla 1270. Yaouankik oa c'hoaz pa gollas he zad; he mamm a lakas he holl aked evit he fellt diouz ar skoueriou fall hag he zrei war ar vertuziou kristen.

 Jezuz ha Mari a oe an daou hano kentan a ouezas lavaret. Sant Alexis Falkonieri, eur eontr d'ezi, o welet he glanded hag he furnez, a lavaras d'he mamm : N'eo ket eur verc'h, eun l eo en deus rot Doue d'ec'h.

Klevet hano eus ar pec'hed a oa awalc'h evit ober d'ezi skrijan; o selaou disklerian eun torfed, e c'hoarvezas ganti, eun devez, koll he anaoudegez.

A-wechou, a greiz ma vezed o teski d'ezi gwriat ha nean, ec'h ee da bedi, e-harz treid eun ter he devoa savet en enor d'ar Werc'hez, hag he mamm, pa chme re bell, a c'hourdrouze anezi :

- Evidout-te, ma ne dlez ket muioc'h a evez, ne zeski ket ar pez a dle eur vestrez tiegez gouzout, ha n'hellin kaout pried ebet d'it biken !

- Bezet dinec'h ! ma mamm, a lavare Juliana, an Itron-Varia a 'n em gargo eus an dra-ze.

Hag evit gwir, d'he fempzek vla, e westlas he gwerc'hded da Zoue hag e wiskas sa Trede-Urz servijerezed Mari.

Ar c'hentan a oe o vonten Urz-ze, mes hepdale, eur maread merc'hed-all a heuilhas he skouer, haghe mamm, zoken, a oe unan aneze.

Da c'houec'h vla ha tregont, e oe hanvet da superiorez, hag e reas evit an Trede-Urz neve-ze lezennou leun a furnez.

Aketus oa d'ar beden; an darn vrasan eus an de hag eus an noz a dremene o pleustri war Basion Hon Zalver; troet oa war ar binijen; ales e veze douget a spered betek an nenv. Mat oa da unani ar re a veze savet trouz etreze; da zistrei ar bec'herien diwar hent an ifern; d'ober ouz ar re glanv; meur a wech e pareas o gouliou, o stagan he muzellou oute.

Kaer en he bue, Juliana a oe kaeroc'h c'hoaz en he maro.

En he c'hlenved divezan, o vezan n'helle miret netra, ne gaved ket dereat he c'hommunian.

He c'harante evit Jezuz-Krist en sakramant an ter a reas d'ezi neuze goulenn ma vije, da vihanan, digaset an hosti santel en he c'hampr, ma c'hellje he adori, eur wech c'hoaz, ark mont eus ar bed-man.

Rot a oe d'ezi he goulenn; mes pa oa ar beleg o poz an hosti gonsakret war eur c'horporal dispaket war he c'halon, an hosti-ze a dec'has eus e zorn hep bezan gwelet ken gant den, ha raktal Juliana a lskas eur youc'haden : Dulcis mi Jesus ! o ma Jezuz hegarat ! emezi. Kerkent e tremenas, en eur ober eur mousc'hoarz henvel ouz hini an Ele.

Ar maro kaer-ze a zigouezas d'an 19 a viz gouere 1341. Pac'h ejod da lienan korf al leanez santel, e oe kavet roud an hosti en he c'hoste kle, ha warnan skeuden Hon Zalver stag ouz ar groaz.

***************


KENTEL

Diwar-ben,n an doare m'eo dleet bezan, evit tostt ouz tl ar Zakramant


I

Var dl ar Zakramant eman Jezuz-Krist, an hini n'eo ket bel stret an disteran, nag e gorf, nag e spered, nag e galon, gant fank ar pec'hed.

- Ha n'oc'h ket re drot gant ho korf ; n'oc'h eus ket klasket re e blijadur, grt re dioulan, elec'h gourc'hemenn d'ezan ?

Bezet glan a galon.

II

War dl ar Zakramant eman Jezuz-Krist, an hini en deus bet plouz kraou Bethlem da wele kentan, ha koad kroaz Mene-Kalvar da wele divezan.

- Ha n'oc'h ket eus an dud-ze hag a vefe lavaret n'emaint war an douar-man nemet evit gwellt al loened zo en o chreier, pe evit rozellat aour en o fresou ?

Ha noc'h ket re drot war an dastum ? Eur servijer mat hag eur mestr fall eo an arc'hant.

Bezet paour a galon.

III

War dl ar Zakramant eman Jezuz-Krist, roue an nenv hag an douar, kuzet gantan banuou e c'hloar, en em izelaet en eun doare estlammus ; war ar groaz, ma ne welet ket Doue, e welet, da vihanan, an den. Aman ne weler na Doue na den; kuzet int, an eil hag egile.

- Ha ne glasket ket a-wechou tennan lorc'h eus ho korf, eus ho spered, eus ho tanve, treo ha n'oc'h ket perc'hen, zoken, warneze ?

Bezet izel a galon.

Ha tostaet laouen ouz an dl zantel. Kaout a refet outi eun tanva sancta prlibatio eus ar pred kaer a zo zet gant Doue, war dl vras an nenv, hag e azezfomp outi gantan, gant ar zent ha gant an Ele, da virviken.

*******

geriadurig lexique

Evit komz diouzh al levr-se / pour discuter de cet ouvrage :

Academia Celtica